Banorët e lagjes nr.11 në Durrës kanë kundërshtuar mundësinë e shpërthimit me tritol të pallatit 6-katësh në bulevardin “Dyrrah”, i cili është dëmtuar rëndë nga tërmeti i 26 nëntorit dhe parashikohet të shembet të premten e 29 majit.
Të shqetësuar për pasojat që mund të shkaktojë një shpërthim, banorët theksojnë se do të ju prishë banesat dhe më pas askush nuk i ndihmon, ashtu siç nuk i ndihmuan kur ishin të izoluar.
“Jemi kundra eksplozivit, jo kundra prishjes. Bëhet fjalë për 200 biznese. Kam mbi 50 mijë euro mall në dyqan. Ta prishin me metoda që nuk na dëmtojnë ne.”, thotë Ardian Çerma i cili ka në pronësi një biznes në bulevradin “Dyrrah”.
“Biznesin e kam mbrapa pallatit. Ta shpërthejnë me dinamit si thonë, do shkatërrojnë çdo gjë.”, shprehet një tjetër.
“Gjithë jeta ime është ajo shtëpi, do protestoj madhe do futem brenda pallatit (godinës së dëmtuar) dhe s’do t’i lejoj ta shpërthejnë.”, thotë një banor i zonës.
