Banorët e fshatit Kaninë në Vlorë kanë protestuar ditën e sotme, ndërsa shprehen se po u grabiten tokat në rreth 120 hektarë.
Banorët në deklaratën e tyre për mediat kanë theksuar se po veprohet me të padrejtë duke iu marrë pronat edhe pse disponojnë dokumentacionine plotë të pronave.
Gjithashtu ata kanë deklaruar se do të përshkallëzojnë protestat e tyre nëse nuk do të gjejnë zgjidhje për situatën dhe problematikën e krijuar.
“Nuk ka të drejtë të hyj në pronat e fshatit dhe të individëve. Problemi qëndron se Fate Velaj tani në hartë ka futur edhe pronën e tij që e ka të shitur, ka futur edhe pronat e fshatit dhe të individit. Mua më është futur në pronën time personale. Kjo çështje është në gjykatë. Nëse nuk merren masa do përshkallëzojmë protestën. Jemi në ligjin e xhunglës, vjen dhe të zapton ai. Fate nuk na ka kërcënuar, por po na merr pronën”, shprehet një prej banorëve.
