Gjykata e Lezhës ka lënë në burg 40 vjeçarin, Aleks Lulashi pasi policia gjeti në shtëpinë e vjetër në Gurëz të Kurbinit makina dhe motorë të trafikuar, të cilëve u dëmtonte numrat e shasive.
Gazetari Gjergj Figuri raporton se Lulashi ka mohuar të ketë bashkëpunuar me grupe kriminale por ka pranuar se merrej me blerje dhe shitje të mjeteve për të cilat nuk kishte dijeni se nga vinin.
Prokurori i çështjes, Sabri Kastrati ka kërkuar masën e arrestit me burg deri në përfundim të hetimeve, pasi sipas tij, provat e sekuestruara janë implikuese për të pandehurin.
Çfarë sekuestroi policia në banesë
-1 automjet tip “Mazda”, me ndërhyrje dhe me dëmtime në strukturën e tij, për të pamundësuar përcaktimin e të dhënave të automjetit;
-5 motomjete me fuqi të lartë motorike, të dyshuar të vjedhur;
-4 palë targa, për automjete dhe motomjete, të dyshuara të vjedhura në qytete të ndryshme të Shqipërisë dhe në Kosovë;
-400 gramë lëndë e dyshuar eksplozive, me fitil zjarrpërcjellës, e gatshme për shpërthim;
-Kapuçë si maska, doreza dhe skafanda motomjetesh, veshje për kamuflazh, si dhe një sërë sendesh të tjera që do t’i shërbenin kryerjes së ngjarjeve të rënda kriminale.
40-vjeçari akuzohet për veprat penale “Sigurimi i kushteve dhe mjeteve për të kryer vrasje”, “Trafikim i mjeteve motorike”, “Mbajtja pa leje dhe prodhimi i armëve, armëve shpërthyese dhe municionit” dhe “Vjedhja”.
Gjykata e Lezhës ka lënë në burg 40 vjeçarin, Aleks Lulashi pasi policia gjeti në shtëpinë e vjetër në Gurëz të Kurbinit makina dhe motorë të trafikuar, të cilëve u dëmtonte numrat e shasive.
Gazetari Gjergj Figuri raporton se Lulashi ka mohuar të ketë bashkëpunuar me grupe kriminale por ka pranuar se merrej me blerje dhe shitje të mjeteve për të cilat nuk kishte dijeni se nga vinin.
Prokurori i çështjes, Sabri Kastrati ka kërkuar masën e arrestit me burg deri në përfundim të hetimeve, pasi sipas tij, provat e sekuestruara janë implikuese për të pandehurin.
Çfarë sekuestroi policia në banesë
-1 automjet tip “Mazda”, me ndërhyrje dhe me dëmtime në strukturën e tij, për të pamundësuar përcaktimin e të dhënave të automjetit;
-5 motomjete me fuqi të lartë motorike, të dyshuar të vjedhur;
-4 palë targa, për automjete dhe motomjete, të dyshuara të vjedhura në qytete të ndryshme të Shqipërisë dhe në Kosovë;
-400 gramë lëndë e dyshuar eksplozive, me fitil zjarrpërcjellës, e gatshme për shpërthim;
-Kapuçë si maska, doreza dhe skafanda motomjetesh, veshje për kamuflazh, si dhe një sërë sendesh të tjera që do t’i shërbenin kryerjes së ngjarjeve të rënda kriminale.
40-vjeçari akuzohet për veprat penale “Sigurimi i kushteve dhe mjeteve për të kryer vrasje”, “Trafikim i mjeteve motorike”, “Mbajtja pa leje dhe prodhimi i armëve, armëve shpërthyese dhe municionit” dhe “Vjedhja”.
