Drejtuesi i “Lëvizjes Malazeze për Ndryshim”, Nebojsha Medojeviç ka premtuar se kur të vijë në pushtet do të ndërtojë një muri mes Kosovën dhe Shqipërisë, për të bërë kështu të mundur ndalimin e bandave të drogës.
Por menjëherë pas kësaj deklarate shokuese ka reaguar fortë edhe faktori politik shqiptarë në Malin e Zi.
Kryetari i Partisë Demokratike, Fatmir Gjeka, njëherësh ish-kryetari i Komunës së Ulqinit, është i shokuar nga pikëpamjet e një prej drejtuesve kryesor të Frontit Demokratik. “Shokuese. Thjesht e pabesueshme. Në kohën e kufijve të hapur, të thuash diçka të tillë në të nxehtin e një lufte politike është e papranueshme”, deklaroi Gjeka.
Por Medojeviç më vonë shpjegoi se, “muri me Kosovën dhe Shqipërinë nuk do të ngrihet as për shkak të popullit shqiptar ose malazez, por ekskluzivisht kundër mafies malazeze dhe shqiptare, e cila e ktheu kufirin në Eldorado për kontrabandë.”
