Presidenti Bajram Begaj ka dekretuar lirimin nga detyra të Ambasadorit të Jashtëzakonshëm dhe Fuqiplotë të Republikës së Shqipërisë në NATO, lir Gjoni.
Ilir Gjoni ishte dekretuar ambasador po nga Begaj në vitin 2023 dhe për arsye që ende nuk janë zyrtare, ka dekretuar edhe lirimin nga detyra ditën e sotme.
Propozimi është bërë nga Kryeministri Edi Rama.
“Në mbështetje të nenit 92, shkronja “dh”, nenit 93 të Kushtetutës, si dhe nenit 26, pika 2 të ligjit nr. 23/2015, “Për shërbimin e jashtëm të Republikës së Shqipërisë”, me propozim të Kryeministrit, dekretoj lirimin nga detyra të ambasadorit Ilir Gjoni”, thuhet mes të tjerash në dekretin që hyn në fuqi menjëherë.
Gjoni ka qenë deputet i PS dhe njëkohësisht ministër i Mbrojtjes dhe i Brendshëm dy dekada më parë.
D E K R E T
PËR LIRIM AMBASADORI NGA DETYRA
Në mbështetje të nenit 92, shkronja “dh”, nenit 93 të Kushtetutës, si dhe nenit 26, pika 2 të ligjit nr. 23/2015, “Për shërbimin e jashtëm të Republikës së Shqipërisë”, me propozim të Kryeministrit,
D E K R E T O J:
Neni 1
Zoti Ilir Gjoni lirohet nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në NATO, rezident.
Neni 2
Ky dekret hyn në fuqi menjëherë.
Dekret nr. 497″.
