Ministria Shëndetësisë së Irakut ka raportuar se 11 bebe të porsalindura kanë humbur jetën dhe 19 gra janë lënduar si pasojë e një zjarri të rënë në një maternitet në Baghdad.
Zjarri ka rënë të martën në mbrëmje në maternitetin e spitalit Yarmouk në Baghdad-in perëndimor.
Sipas Ministrisë së Shëndetësisë dyshohet se për këtë ngjarje të rëndë shkak ka qenë një problem me elektricitetin.
Autoritetet e Baghdad-it e mbyllën menjëherë spitalin dhe ndaluan mediat t’i afroheshin vendngjarjes.
Por një agjensi e pavarur e lajmeve në Baghdad, raportoi se 29 paciente femra dhe 7 bebe u evakuuan nga pavijoni ku shpërtheu zjarri.
