Rasti i Merushe Hazizit, e cila e vra nga vjehrri i saj, është hap si temë diskutimi ditën e sotme në studion e emisionit “Me zemër të hapur” në “Neës24” të moderatores Evis Ahmeti. I ftuar ka qenë në një rrëfim ekskluziv për herë të parë partneri i Merushes, Fatjon Hoxha.
Përmes një lidhjeje telefonike Fatjon Hoxha sqaroi atë se çfarë ndodhi para dy ditësh në Vidhisht të Roskovecit, që tronditi mbarë opinionin publik, ku Xhevahir Hoxha vrau 30-vjeçaren dhe më pas u vetëvra duke u mbytur në një pemë.
Mes lotësh, Hoxha është shprehur se në lidhje me ngjarjen që prej një muaji ka kërkuar ndihmë dhe shteti nuk ka marrë asnjë masë.
“Përshëndetje! Kam shumë gjera për të shprehur. Nuk mori masa shteti për këtë gjë. Kishte një muaj që i lutesha shtetit prej 1 muaj. Iknin dhe vinin, për arsye se babai im i dha lekë shtetit. Ndodhi kjo që ndodhi. Me policinë e Shtetit i ke me video me zë. Ai i thoshte; ‘sa lekë do që ta marrësh djalin brenda’. Ai dhe në Gjykatë futi lekë. Do i them të gjitha kur të vijë aty.”
Së fundmi, i pyetur nga moderatorja në studio se ku ndodhej atë ditë që ndodhi ngjarja e rëndë, Fatjon Hoxha shprehet se ka qenë në punë me traktor dhe më pas është telefonuar nga xhaxhai që e ka lajmëruar.
“Isha në punë me traktor në fshat. Sa ika unë. Më mori në telefon xhaxhai dhe më tha po bërtet nusja. Ndodhi kjo që ndodhi. E mbyllja se e kishte frikë. Kishte frikë nga ai se e kërcënonte. E mbyllte nga brenda se kishte frikë, e kërcënonte ai. Kur vija unë, hapte derën ajo.”
