Vizita zyrtare e Kryeministrit Edi Rama në Turqi nis sot nga Ankaraja, ku pas nderimeve në Mauzoleumin “Mustafa Kemal Ataturk”, u takua me homologun turk, Yildirim.
Kryeministri shqiptar shoqërohet nga ministri i Financave, Arben Ahmetaj, deputeti Bashkim Fino dhe ambasadori shqiptar në Turqi, Gazheli.
Rama po zhvillon një takim me Presidentin Erdogan, ndërsa në mbrëmje pritet një konferencë e përbashkët për shtyp mes Ramës dhe kryeministrit turk Yildirim.
Gjat takimit me Presidentin e Turqisë,Kryeministri Rama shprehu ngushëllimet më të sinqerta dhe përkushtimin e Shqipërisë në luftën ndaj terrorizmit.
Ditën e nesërme vizita e Ramës vijon me kryetarin e Parlamentit turk, Ismail Kahraman.
Kreu i ekzekutivit shqiptar ndodhet prej ditës së djeshme në Turqi.
Stambolli u përfshi mbrëmjen e djeshme nga sulme terroriste, ku mbetën të vrarë 41 persona dhe mbi 240 u plagosën.
Foto gjat takimit me Presidentin Erdogan
Foto nga ceremonia e nderimit të monumentit të Mustafa Qemal Ataturkut
