Një operacion i përbashkët i selisë së Gardës Civile në Burgos dhe Palencia ka çuar në arrestimin e dy burrave, 38 dhe 28 vjeç me kombësi shqiptare, si autorë të dyshuar të valës së grabitjeve në tetë shtëpi në të dyja provincat.
Garda Civile ka çmontuar bandën që mbolli frikë tek banorët e rajonit Merindad de Río Ubierna të Burgos. Në pranga kanë rënë K.D., 38 vjeç dhe H.M., 28 vjeç.
Gjatë muajve të fundit, si në Komandën e Gardës Civile të Burgos ashtu edhe në Palencia, ka pasur një rritje të grabitjeve të kryera brenda shtëpive, duke përdorur forcë, të cilat në rastin e Burgos ishin të përqendruara praktikisht në të njëjtin rajon, popullsi të vendosura në Merindad de Río Ubierna, ndërsa në Palencia e bënë këtë në vende të ndryshme afër A-67 dhe C-615.
Ngjarjet jo vetëm që krijuan shqetësime të mëdha te viktimat, por edhe një klimë pasigurie dhe frike te banorët, të cilët, duke pasur parasysh mosndëshkimin e dukshëm dhe shpejtësinë me të cilën sulmuesit kryen krimet e tyre, kishin frikë për pronën e tyre.
