Autopsia e djalit 2 vjeç fundos shqiptaren në Spanjë, vajza 8-vjeçare rrëfen vrasjen e dhunshme

Autopsia e djalit 2-vjeçar ka nxjerrë në dritë dhunën makabre të nënës shqiptare ndaj djalit të saj në Spanjë. Autopsia tregon se i mituri ka lëndime në kokë dhe shenja mbytjeje që kanë ardhur si pasojë e dhunës së ushtruar nga nëna e tij.
Raporti i parë i autopsisë së djalit dy vjeç dhe tre muajsh, të dyshuar të vrarë nga nëna e tij në qytetin Alicante të Bigastros, konfirmon lëndime të ndryshme që tregojnë për keqtrajtimin e vazhdueshëm. Ndërkaq e ema është lënë në arrest me burg.
Ndërsa përfundimet e mjekëve ligjorë tregojnë për një edemë pulmonare që mund të shpjegojë disa shenja në qafë, të cilat lindin dyshime se ai i vogli ka pësuar asfiksi, si dhe hemorragji të brendshme dhe lëndime të ndryshme në kafkë.
Në fakt, sipas vajzës tetëvjeçare të shqiptares nëna e la djalin pa ndjenja duke e mbytur me peshqir. Vajza e vogël që jeton me të atin, ndërsa fundjavën e kaluar ajo kishte shkuar të takonte nënën e saj ka rrëfyer edhe skenën e tmerrshme.
Nga hetimet rezultoi gjithashtu se nëna 32-vjeçare me origjinë nga Shqipëria kishte tërhequr kujdestarinë e binjakëve për shkak të problemeve të varësisë nga droga.