Një autobus me pasagjerë ka dalë nga rruga në zonën e njohur si “Kthesa e Murrashit” dhe rrezikohet të bjerë në lumin Shkumbin. Burime për Gijtina.com informojnë se fatmirësisht nuk është lënduar asnjë nga pasagjerët, pasi në momentin që autobusi ka dalë nga rruga dhe ka ndaluar, pasagjerët kanë dalë jashtë.
Mësohet se, në vendngjarje kanë mbërritur forcat e policisë për të zbardhur ngjarjen dhe tërheqjen e autobusit nga cepi i urës gati për të rënë në lumë.
Pikërisht në këtë zonë, disa ditë më parë, humbën jetën 3 anëtarë të së njëjtës familje, pasi mjeti më të cilin udhëtonin u aksidentua me një makinë tjetër dhe përfundoi në lumë duke shkaktuar tre viktima.
