Një 22-vjeçar nga Kosova i ka shpëtuar prangave të policisë në rrugën dytësore Vorë-Fushë Krujë. I riu me iniciale P.G me mjetin tip “Audi” të marrë me qera transportonte emigrantë të paligjshëm. 22-vjeçari pas shenjës për ndalim nga punonjësit e policisë, në rrugën dytësore Vorë-Fushë Krujë nuk i është bindur urdhrit të tyre dhe është larguar me shpejtësi, menjëherë më pas është shpallur në kërkim nga “blutë”.
“Specialistët e Seksionit për Hetimin e Trafiqeve të Paligjshme në DVP Tiranë kanë referuar materialet në Prokurori, për veprën penale “Ndihma për kalim të paligjshëm të kufijve”, dhe po punojnë për kapjen e shtetasit P. G., 22 vjeç, banues në Kosovë. Ky shtetas, pas shenjës për ndalim nga punonjësit e Policisë, në rrugën dytësore Vorë-Fushë Krujë, nuk i është bindur urdhrit të tyre dhe është larguar me shpejtësi me mjetin tip “Audi”.
Shërbimet e Policisë janë vënë në ndjekje të mjetit, të cilin më pas e kanë gjetur të braktisur në Fushë Krujë. Në këtë mjet ishin pasagjerë 4 emigrantë që dyshohet se kanë hyrë në mënyrë të paligjshme në vendin tonë, të cilëve shtetasi P. G. iu kishte premtuar, kundrejt shpërblimit monetar, transportimin nga Tirana drejt Kosovës, me automjetin “Audi”, që e kishte marrë me qira në Kosovë.”-njofton policia
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
