Pavarësisht se akuzohet se është i përfshirë në një skandal të pastrimit të parave në Venezuelë, kreu i AKR-së, Behgjet Pacolli vijon pushimet i pashqetësuar. Pas reagimit sot, ku përgënjeshtronte lajmin e përfshirjes në rrjetin e korrupsionit, Behgjet Pacolli ka postuar një foto nga Shqipëria ku ai po kalon pushimet verore.
“Pushimet në Shqipëri, aty ku fle zemra, vendi më i mirë në botë”- shkruan ai. Mediat venezuliane akuzuan dje politikanin dhe biznesmenin e Kosovës, Behgjet Pacolli si të përfshirë në afera korruptive që kanë ndikuar në aparatin e lartë diplomatik të Venezuelës.
Pacolli akuzohej prej tyre si bashkëpunëtor i biznesmenit Enrique Rais në kompaninë “Alba Petroleos”, i cili prej vitit 2017 është në arrati në Venezuelë.
Ndërkohë në raportin e publikuar në mediat venezueliane, Pacolli akuzohet si i përfshirë në një skandal korrupsioni, duke iu referuar parregullsitë e publikuara nga OÇRP në dhënien e ndërtimit të aeroportin e Vlorës në Shqipëri.
Mes të tjerash, Pacolli emërtohej si një biznesmen i cili ka lidhje të forta me kryeministrin shqiptar Edi Rama dhe gjithashtu lidhje me figura të krimit të organizuar.
