Lidhur me atentatin e ndodhur një ditë më parë në Vlorë, ku humbi jetën një 26 vjeçar duket se akoma nuk ka asnjë detaj në lidhje me autorët e kësaj ngjarje.
Kujtojmë se ditën e djeshme 26 vjeçari Kristian Breshanaj është vrarë në derën e shtëpisë, ku është qëlluar me 10 plumba prej të cilëve 5 kanë depërtuar në trupin e të riut. Raportohet se pista kryesore e hetimeve është jeta dhe aktiviteti i tij në Belgjikë.
Policia kanë bërë me dije se nga provat e mbledhura nga vendi i ngjarjes dyshohet se kanë qenë dy persona të cilët në momentin që është djegur automjeti, më pas janë larguar me një tjetër automjet të ndihmuar nga persona të tjerë.
Dyshohet se bëhet fjalë për një atentat të mirorganizuar, ajo ka sekuestruar të gjithë kamerat e sigurisë së zonës përreth për të zbuluar më shumë në lidhje me këtë ngjarje.
