Zbardhet identiteti i personit të dytë që ndodhej në makinën e biznesmenit Bledar Birçaj, që mbeti i vrarë mesditën e së hënën në Vlorë.
Mësohet se bëhet fjalë për shtetasin Edison Zeneli, i cili ishte në pjesën e pasme të mjetit tip BMW. Mësohet se Zeneli është kushëri i viktimës, pronar i një furre buke në qytetin e Vlorës.
Në dëshminë e tij, Zeneli tha para oficerëve të policisë se “Jam i tronditur, se kam pasur mendjen aty. Kam qenë duke luajtur në telefon”.
Kujtojmë se në videon e publikuar nga momenti i atentatit shihet vetëm një person që zbret nga makina e viktimës, i cili arriti që të shpëtonte mrekullisht nga plumbat. Po ashtu në video shihej se si hapej dera e pasme e pasagjerit, ndërkohë që policia nuk njoftoi për faktin se në automjet kishte një tjetër person.
