Detaje të reja kanë dalë nga atentati që ndodhi ditën e sotme në Fushë-Krujë. Burimet bëjnë me dije se, pas shuarjes së plotë të zjarrit në makinën e dyshuar të përdorur nga autorët, janë gjetur në brendësi të makinës tre armë zjarri automatike. Targa e mjetit del e vjedhur e kallëzuar si e vjedhur në Tiranë këtë vit.
Sakaq, të dhënat e grumbulluara deri tani tregojnë se dyshohet se kanë qenë 4 veta të përfshirë në atentat, por vetëm tre kanë dalë nga mjeti dhe kanë qëlluar para mjetit në drejtim të viktimave. Nga këqyrja e vendit të ngjarjes dyshohet se shtetasi Diklen Vata që mundi të dilte nga mjeti i plagosur por i gjallë është qëlluar dhe nga afër me armë. Policia, tregon se në vendngjarje janë sekuestruar mbi 60 gëzhoja armësh automatike. Të vrarë në këtë ngjarje mbetën edhe Brirlant Martinaj, Kushëriri i Ervis Martinajt, si dhe Besmir Hoxha.
