Deputeti i Partisë Demokratike, Ervin Salianji ka reaguar për ngjarjen e rëndë të ndodhur mbrëmjen e sotme në zonën e Astirit në Tiranë, ku në një atentat mbetën të vrarë dy persona.
Në një postim në rrjetet sociale, Salianji shkruan mes të tjerash se qeveria nuk ka as fuqi dhe as dëshirë të përballet me krimin.
“Sot thuajse si përditshëm kërciti automatiku në orën me më shumë levizje, breshëritë e plumbave po zbrazen kudo, në mes të qyteteve, në zonat më të populluara dhe pa kursyer askënd dhe pa ju dridhur dora para askujt! Krimi është trimêruar dhe po bën kërdinë me eleminime të tipit mafioz, vrasje, grabitje, drogë, dhunë, vjedhje…
Për fat të keq siç e kemi paralajmëruar krimi pjell krim, perdorimi i bandave në zgjedhje praktikisht është dorezimi i territorrit dhe sovranitetit ne duart e tyre! Qeveria as nuk ka fuqi as nuk ka dëshirë të përballet me krimin, ata janë ortakë, ata duhen zhdukur njësoj si e keqe e madhe për çdo familje, për çdo qytetar!” shkruan deputeti demokrat.
