Një automjet tjetër tip Pasat është dëmtuar nga shpërthimi i fuqishëm që ndodhi mesditën e sotme pranë rrethrrotullimit të TEG ku nga atentati në makinë mbeti i vdekur i riu Aleksandër Sadikaj.
Mësohet se në të udhëtonte një grua me fëmijën e mitur, në momentin kur ka ndodhur shpërthimi, por fatmirësisht ata kanë shpëtuar pa lëndime. Siç shihet nga pamjet automjeti është carë në disa vende nga ky shpërthim.
Shpërthimi ka qene tepër i fortë, duke i thyer dhe xhamin automjetit që lëvizte paralel me mjetin Benz të viktimës Aleksandër Sadikaj.
Ky i fundit humbi jetën si pasojë e plagëve të marra nga shpërthimi me bombë i makinës së tij. Fillimisht ai arriti të dilte nga makina i gjymtuar, por nga plagët e marra ndërroi jetë rrugës në spital.
