Motra e Aleksandër Sadikajt, të riut të cilit iu bë atentat me tritol në makinën ku po udhëtonte ka folur për mediat duke treguar më shumë për jetën e të vëllait të saj. Sadikaj mbeti fillimisht i plagosur rëndë por humbi jetën në spital, për shkak të plagëve të marra.
Ndërkohë motra e tij ka folur për Faxnews duke treguar se Aleksandri nuk kishte konflikte me askënd dhe se ai dhe familja e tij bënin një jetë të qetë. Ajo ka mohuar akuzat për lidhjet e tij me ndonjë grup kriminal duke thënë se mediat po shkruajnë shumë të pavërteta për jetën e tij.
“Mediat po shkruajnë shumë të pavërteta. Jetonte me qira prej 4 vitesh se bashku me bashkëjetuesen e tij. Vëllai nuk kishte konflikt me asnjëri. Ai ecte lirisht, makinën e tij e përdornim të gjithë. Kemi bërë një jetë të qetë dhe normale. Shkonim shpesh dhe qëndronim te lokali i tij në Tiranë. E vërtetë që kishte një jelek anti-plumb por e kishte dhuratë një shok. Dylbitë e gjetura janë se kemi një faqe online. Ai nuk njihte njëri nga Holanda”, mësohet të ketë thënë e motra.
