Një atentat i mirëfilltë mafioz i denjë për filma tronditi mëngjesin e kësaj të premte Shkodrën. Viktima, Naim Bajri u ekzekutua teksa po pinte kafen e mëngjesit me punonjësin e tij, ndërsa ky i fundit u plagos.
Ngjarja ndodhi rreth orës 7:20 në vendin e quajtur “Merkata e Rusit”, në lagjen “Partizani”, Shkodër. Viktima ishte gjithashtu xhaxhai i Enver, Behar dhe Ilir Bajrit anëtarë të grupit “Bajrit”. Enver Bajri i njohur si “truri” i grupit kriminal Bajri të Shkodrës u arrestua në vitin 2018 në Spanjë, pas shpalljes në kërkim ndërkombëtar nga autoritet shqiptare.
