Banorët e Astirit kanë dalë në protestë mbrëmjen e sotme, për shkak të ndërtimit të një pallati 8-katësh. Ata janë shprehur se për të ndaluar ndërtimin e këtij, pallati kanë bërë një peticion dhe kanë mbledhur firmat e duhura, por pasi e kanë dorëzuar këtë peticion pranë ambienteve të bashkisë nuk kanë marrë asnjë përgjigje. Një banor, për mediat, u shpreh se leja e ndërtimit të pallatit është e parregullt dhe se nëse ndërtohet, ai pallat hapësura e tyre merr fund.
“Ne jemi drejtuar me një peticion me firma të gjithë banorëve të pallatit dhe ia kemi dërguar s I kërkesë Bashkisë por ende nuk kemi marrë asnjë përgjigje. Kemi shkuar në komisariat për të bërë një denoncimi por na kanë refuzuar pasi ndërtuesi në fjalë ka leje ndërtimi. Kjo leje ndërtimi është e parregullt. Nëse ndërtohet një pallat me 8 kate hapësira merr fund,” shprehet një banor.
Një tjetër protestues është shprehur se nuk kanë asnjë institucion tjetër, kujt t’i drejtohen.
‘Kemi kërkuar përfaqësuesin dhe nuk vijnë. Nuk kemi asnjë institucion tjetër në ndihmë”, shprehet një tjetër.
