Maqedonia e Veriut ka regjistruar shifra të larta të rasteve të reja me koronavirus.
Zv.ministri i Shëndetësisë në Maqedoninë e Veriut Armend Asllani, në një intervistë për “ABC e mëngjesit” u shpreh se qytetarët tashmë janë të ndërgjegjësuar në respektimin e masave edhe pse theksoi se ka edhe nga ata që nuk i respektojnë.
Asllani bëri me dije se në Maqedoninë e Veriut është shtuar numri i testimeve, duke realizuar 1 mijë testime në ditë.
Ai theksoi se edhe pse një pjesë e konsiderueshme e qytetarëve i respektojnë masat ka edhe prej tyre që nuk janë ndërgjegjësuar në respektimin e tyre.
“Rreth 200 pacientë në Maqedoninë e Veriut janë hospitalizuar”, u shpreh ai.
Më tej ai theksoi se do të mbesin në fuqi vetëm masat që janë ndërmarrë deri tani, ndërsa shtoi se realizohen mbi 1 mijë testime në ditë.
“Nëse një pacient rezultonte pozitiv, atëherë realizohen testime të kontakteve të tij. Testimet do të vazhdojnë të pacientët simptomatik. Prioritet do të ketë personeli mjekësor, stafet e policisë apo edhe çerdhet. Sa i përket kufijve janë duke u përgatitur protokollet dhe pritet të merret një vendim”, u shpreh ai./abcnews
