Një refugjate ukrainase ka përfunduar në media pas akuzave të një shtetase britanike që i ka “rrëmbyer” bashkëshortin. Fillimisht e reja ukrainase u strehua nga 29-vjeçari Tony Garnet dhe bashkëshortja e tij, Lorna të cilët kanë dy vajza por nuk zgjati shumë dhe ajo u bë pjesë e një trekëndëshi dashurie. Sipas asaj që shkruajnë të përditshmet britanike, dhjetë ditë më vonë Lorna e akuzonte bionden se “ia kishte vënë syrin” burrit të saj. Pas një debati të shkurtër Sofiia kishte mbledhur plaçkat dhe u largua, por Lorna mbeti e shtangur kur bashkë me refugjaten doli nga dera edhe bashkëshorti i saj për ta ndjekur.
Sofia, e cila u largua nga Lviv drejt Polonisë prej luftës me Rusinë, tha për të përditshmen britanike The Sun: “Nuk jam prishëse familjesh, janë gënjeshtra. Nuk kisha menduar kurrë të hyja në shtëpinë e tyre për të vjedhur Tony nga Lorna. Mua më pëlqente familja. Kaloja shumë kohë me Lorna dhe përpiqesha ta ndihmoja. Por ajo ishte me dy fytyra. Dyshimi i saj i vazhdueshëm dhe tensioni, na nxiti të afroheshin më shumë me Tony. Është faji i saj që u krijua kjo situatë.”-tha ajo.
Sofiia tregon sesi tani e akuzojnë se veprimet e saj po bëjnë që familjet britanike të mos pranojnë refugjatë nga Ukraina.
Ajo tregon më tej: “Prindërit e mi thonë se u vjen turp prej meje dhe nuk dalin dot jashtë”.
“Askush s’do të pranojë më refugjatë ukrainas për shkakun tim”, flet ukrainasja që ndau çiftin që e strehoi
Sofiia insiston se nuk kishte pasur asnjë mes saj dhe Tony derisa ata dolën nga shtëpia e çiftit në Bradford, në veri të Britanisë.
Familja kishte marrë Sofiia-n për të bërë “pjesën e tyre” për të ndihmuar refugjatët, ndërsa Tony tregonte me herët se u lidh shpejt me të, madje dhe dy bijat e tij gjashtë e tre-vjeçare e pëlqenin.
Tony, i cili flet gjuhën sllovake me të cilën merret vesh me ukrainasen, thotë se kjo situatë e kishte lënë gruan e tij duke mos kuptuar se cfarë po ndodhte. “Në fillim ia kalonim mirë por më pas e shihja që Lorna po bëhej xheloze dhe e zemëruar me të”, tregon Tony duke shtuar se më pas Sofiia shkonte me të në palestër dhe kur ishin në shtëpi bëheshin gjithnjë e më të afërt fizikisht.
“Kur ishim në shtëpi gjenim shkaqe për t’u prekur ose përplasur me njëri-tjetrin. Megjithse në fillim ishte e pafajshme nisën të lindnin debate”.
Lorna me të drejtë i kishte kërkuar një zgjidhje për situatën e pakëndshme derisa debati kishte ardhur në pikën e largimit të ukrainases nga shtëpia.
Sofiia, e diplomuar ne Kyiv per IT, refuzonte gjithashtu pretendimet e Lorna se vishte gjithnjë bluza të hapura dhe mbante makiazh sa herë ishte koha që Tony kthehej nga puna.
