Kryeministri Edi Rama ka deklaruar se në të gjithë qarkun e Beratit janë 700 familje që janë përjshtuar nga ndihma ekonomike, ndërsa vetëm një pjesë e vogël janë hequr nga gabimet në përllogaritje.
Rama tha se ka shumë njerëz që janë hequr nga ndihma janë ata që nuk duan që të shkojnë të punojnë, ndërsa ka shumë fabrika që kanë nevojë për fuqi punëtore, por njerëzit nuk pranojnë.
“Në Berat 700 familje janë përjashtuar nga ndihma, nga të cilat vetëm një pjesë e vogël nga gabimet, që po korrigjohen”. Ka shume njerëz që kanë dalë nga skema dhe nuk duan të shkojnë në punë të punojnë. Dje, një alamet djali, fizikisht më i mirë se unë, tha nuk marr ndihmë, i thash hajde të gjej punë, më tha në bashki? Jo i thash, në privat, jo më tha. Kemi gjithë ato fabrika që kanë nevojë për krah pune dhe njerëzit nuk shkojnë të punojnë. Ai sipërmarrësi dje thoshte shkoj i marr njerëzit në Lushnje” deklaroi Rama.
