Shitja e makinave me motor benzine do të jetë e ndaluar deri në vitin 2035, me vendim të PE. Këtë të mërkurë, deputetët e Parlamentit Europian votuan ligjin për të ndaluar shitjen e makinave të reja me motor benzine që PE pritet ta arrijë deri në vitin 2035. Por ky propozim i shumicës së deputetëve të PE nuk ka kaluar pa debat, pasi një fraksion i qendërës së djathtë kishte shprehur kundërshtimin ndaj ndalimit 100% deri në vitin 2035. Disa ligjvënës kishin kërkuar në vend të kësaj një ndalim prej 90%, që do të thotë se një e dhjeta e të gjitha shitjeve të makinave të reja mund të jenë ende motorë me djegie.
Nëse kjo miratohet atëherë do të bjerë tregu i shitjes së makinave me motor me djegie dhëe do t’i hapet rruga shitjes në shumicë të makinave elektrike.
Industria e automjeteve luan një rol jetik në ekonominë evropiane, duke zënë 7% të prodhimit të brendshëm bruto dhe duke mbështetur 14.6 milionë vende pune në rajon. Por transporti është i vetmi sektor ku emetimet e gazeve serrë po rriten dhe automjetet rrugore përbënin 21% të emetimeve të CO2 në 2017.
Shtëpitë e Kranes rrezikojnë të shemben, Romeo i Finiqit bën pazarin e 84 MLN lekëve
Romeo Çakuli i bashkisë Finiq bën pazare me tenderë edhe kur bëhet fjalë për një rrezik të lartë që iu...
