Para zgjedhjeve vendore, kryetari i bashkisë Tiranës, Erion Veliaj, ka hapur projekte për e rrugëve. Kjo është një nga skemat që po përdor Lali Eri për të xhiruar qindra milionë lekë në favor të klientëve të tij. Tri kontratat që ka nënshkruar Veliaj kanë me abuzime të hapura.
Tenderi i parë ka si objekt “Rrugën për tek Liqeni Çerkezës”, vetëm 15 km larg nga qendra e Tiranës. Ajo është një rrugë ekzistuese, ku Veliaj do të shpenzojë rreth 600 milionë lekë për rikonstruksion. Në fakt, prej vitesh është vënë në dukje nga mediat se ajo rrugë ka nevojë për një ndërhyrje që nuk shkakton shumë kosto. Por, Veliaj kujtohet në fund të mandatit dhe i jep një fonda të madh! Kontrata do të nënshkruhet më 30 dhjetor 2022. Ndërkaq punimet parashikohen të zgjasin deri në qershor të vitit 2023.
2 miliardë lekë për lagjen luksoze
Në të njëjtën ditë, më 12 dhjetor 2022, Veliaj ka regjistruar një tjetër tender pranë Agjencisë së Prokurimeve Publike. Bëhet fjalë për prokurimin me objekt “Rikualifikimi urban i zonës “Kodra e Diellit”. Për këtë projekt do të shpenzohen 2 miliardë lekë. Siç dihet, “Kodra e Diellit” është një zonë ku më së shumti jetojnë VIP-a dhe familje të pasura. Kështu për të siguruara edhe votën e këtyre të fundit, Veliaj shpenzon miliarda lekë që t’u rregullojë zonën përreth. Edhe këto para, Veliaj i ka siguruar nga fondet e mbetura të buxhetit të vitit 2022. Në rastin më të mirë, këto para mund të përdoreshin për të ndihmuar familjet në nevojë me rastin e festave. Edhe në këtë projekt kemi të bëjmë me rikonstruksion rrugicash dhe lulishtesh. Ndërsa banorëve të prekur nga tërmeti nuk iu janë ndërtuar akoma një dhomë për të futur kokën .
”Rruga e Malësorëve”
700 milionë lekë të tjera Erion Veliaj do t’i shpenzojë për një tjetër projekt fasadë. Në dokumentin e dorëzuar pranë APP evidentohet se këtë herë kryebashkiaku është kujtuar të rregullojë “Rrugën e Malësorëve”. Bëhet fjalë për rrugicë lagjeje në Shkozë. Rruga që do të bëhet me nxitim në muajt e dimrit, mundet që pas zgjedhjeve të kthehet në gjendjen e mëparshme. Dikush duhet t’i mbajë dorën Lali Erit se po bën kërdinë më buxhetin para fushatës elektorale!
Lexo edhe: Veliaj, 620 mln lekë Gentjan Sulës për “organizimin” e Bashkisë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
