Vendimi i Premier League (i ndjekur edhe nga Kampionati Spanjoll) për të aplikuar rregullin e minutave shtesë si gjatë Kupës së Botës 2022, nuk ka kënaqur futbollistët në kampionatin anglez, e me sa duket as vetë gjyqtarët.
Rregulli parashikon që shtesat në fund të çdo pjese loje të reflektojnë siç duhet ndalesat e lojës si rivëniet e topit, ndalesat për faullet apo dhe festat pas shënimit të golave, duke shtuar shumë minuta.
Një taktikë që është zbatuar për të detyruar lojtarët që të bëjnë futboll efektiv gjatë 90 minutave, por që si fillim, gjen kundërshtimet e zjarrta të tyre. Dhe emri i cili bëri të qartë këtë mendim ishte pikërisht një nga figurat më përfaqësuese të kampionatit, Kevin De Bryjn.
Fantazisti belg, pas ndeshjes së Superkupës së Anglisë që Mançester Siti humbi ndaj Arsenalit me penallti, shprehu pakënaqësi për këtë rregull të ri, i cili në fakt u kushtoi trofeun sepse barazimi i “topçinjve” erdhi në minutën e 101-të (ishin akorduar 8 minuta shtesë).
“E tregon vetë fakti që do të luajmë 15 minuta më shumë në çdo ndeshje nga sot e tutje. Ne folëm me lojtarët e Arsenalit, apo edhe me gjyqtarët. As ata nuk duan ta bëjnë, por është rregulli i ri dhe duhet ta pranojmë.
Në një ndeshje si sot, ku u shtuan tre minuta edhe në pjesën e parë, nuk e di se çfarë mund të ndodhë nëse luan ndaj një ekipi më të dobët që mundohet të vonojë lojën gjatë gjithë kohës. Sot kemi luajtur 12 apo 13 minuta.
Por mendoj se do të shohim ndeshje që shkojnë 20 apo 30 minuta. Mendoj se situata do të ndryshojë pas një apo dy muajsh, por ishte ndeshja e parë.
Po mendoj që do luajmë me Seviljen për Supërkupën të mërkurën dhe kemi 15 apo 20 minuta e pastaj do të luajmë përsëri të shtunën ndaj Njukasëll. Është njëlloj si të kemi dy kohë shtesë. Do të shohim si shkojnë gjërat, por nuk ka asnjë kuptim”, tha mesfushori belg i Mançester Sitit./PanoramaSport
Vendimi i Premier League (i ndjekur edhe nga Kampionati Spanjoll) për të aplikuar rregullin e minutave shtesë si gjatë Kupës së Botës 2022, nuk ka kënaqur futbollistët në kampionatin anglez, e me sa duket as vetë gjyqtarët.
Rregulli parashikon që shtesat në fund të çdo pjese loje të reflektojnë siç duhet ndalesat e lojës si rivëniet e topit, ndalesat për faullet apo dhe festat pas shënimit të golave, duke shtuar shumë minuta.
Një taktikë që është zbatuar për të detyruar lojtarët që të bëjnë futboll efektiv gjatë 90 minutave, por që si fillim, gjen kundërshtimet e zjarrta të tyre. Dhe emri i cili bëri të qartë këtë mendim ishte pikërisht një nga figurat më përfaqësuese të kampionatit, Kevin De Bryjn.
Fantazisti belg, pas ndeshjes së Superkupës së Anglisë që Mançester Siti humbi ndaj Arsenalit me penallti, shprehu pakënaqësi për këtë rregull të ri, i cili në fakt u kushtoi trofeun sepse barazimi i “topçinjve” erdhi në minutën e 101-të (ishin akorduar 8 minuta shtesë).
“E tregon vetë fakti që do të luajmë 15 minuta më shumë në çdo ndeshje nga sot e tutje. Ne folëm me lojtarët e Arsenalit, apo edhe me gjyqtarët. As ata nuk duan ta bëjnë, por është rregulli i ri dhe duhet ta pranojmë.
Në një ndeshje si sot, ku u shtuan tre minuta edhe në pjesën e parë, nuk e di se çfarë mund të ndodhë nëse luan ndaj një ekipi më të dobët që mundohet të vonojë lojën gjatë gjithë kohës. Sot kemi luajtur 12 apo 13 minuta.
Por mendoj se do të shohim ndeshje që shkojnë 20 apo 30 minuta. Mendoj se situata do të ndryshojë pas një apo dy muajsh, por ishte ndeshja e parë.
Po mendoj që do luajmë me Seviljen për Supërkupën të mërkurën dhe kemi 15 apo 20 minuta e pastaj do të luajmë përsëri të shtunën ndaj Njukasëll. Është njëlloj si të kemi dy kohë shtesë. Do të shohim si shkojnë gjërat, por nuk ka asnjë kuptim”, tha mesfushori belg i Mançester Sitit./PanoramaSport
