Operacioni në 10 shtete të Europës dhe Azisë “Los Blancos” çoi një numër të madh shqiptarësh pas hekurave, të cilët akuzohet se kishin sjellë në kontinentin e vjetër tonelata me kokainë përgjatë viteve të fundit.
Më i rëndësishmi i arrestuar është pikërisht Elti Dizdari që u kap në Dubai, i cili konsiderohet si koka e grupit të shqiptarëve që furnizonin me kokainë Europën.
Përmes një postimi në Facebook, Hoxha thekson se është shkatërruar vetëm një pjesë e klanit, krahu që i përket Elti Dizdarit, kurse grupi i Dritan Rexhepit, i njohur si furnizuesi me sasi të mëdha kokaine nga Ekuadori, rezulton të mos jetë prekur.
Postimi i Hoxhës
Pas superoperacionit të zhvilluar në 10 shtete të Europës dhe të Azisë, ku u deklarua me bujë se, është shkatërruar karteli i parë shqiptare i kokainës, më erdhën dy foto domethënëse nga kryeqyteti i Ekuadorit, Kuito…
Në foton e parë, është personazhi i cilësuar ditet e fundit nga autoritetet italiane, si truri apo koka e kartelit shqiptar të kokaines, Dritan (Gramoz) Rexhepi, në qelinë e tij, në burgun e sigurisë së lartë në Kuito të Ekuadorit, ku ai ndodhet i arrestuar që nga 26 qershori i vitit 2014….praktikisht rezulton se ai e ka formuar dhe drejtuar kartelin nga burgu…
Në foton e dyte, është një mesazh i koduar nëpërmjet një targe të një taksie në kryeqytetin e Ekuadorit,“0035 KÇK”…e cila të kujton moton e bërë publike nga kryeministri Rama, “kap ç’a t’kapësh”…
Besoj do të thotë, se është kapur “tropojani”(Eldi Dizdari) dhe rrjeti i tij, pra vetëm njëri nga degezimet e kartelit, por nuk është shpërbërë karteli…
Kampionati vazhdon…
