1 ditë pas vrasjes së saj policia e Pakistanit ka arrestuar vëllain e modeles dhe bloggeres, Qandeel Baloch.
Waseem Azeem, është arrestuar dje në një provincë pranë Punjabit, 100 kilometra larg qytetit, Multan, ku modelja Baloch u gjet e vrarë në shtëpinë e saj.
Policia akuzon vëllain e modeles për vrasjen e motrës së tij. Vetë Azeem ka pohuar se ai e kishte vrarë motrën e tij për “nder” dhe se nuk pendohet për këtë vepër. 
Vrasja e modeles Baloch, e cila kishte nxitur polemika me postimin e fotografive të saj duke pirë duhan me një klerik të njohur mysliman, ka shkaktuar tmerr në gjithë Pakistanin.
Në qytetet Lahore dhe Karaçi janë mbajtur ceremoni përkujtimore dhe është protestuar kundër vrasjes së modeles, ndërsa nga autoritetet është kërkuar legjislacion për luftimin e vrasjeve “të nderit”.
Policia tha se modelja Baloch ishte mbytur ndrsa ishte në gjumë. 26-vjeçarja, me emrin real, Fauzia Azeem, u bë e njohur në emisionin televiziv, Pakistan Idol TV, dhe më vonë si një aktiviste e të drejtave të femrave në shoqërinë konservatore pakistaneze. Ajo kishte afro 800 mijë mbështetës në Facebook dhe 40 mijë në Twitter.
