Gjatë operacionit të arrestimeve të së dielës në pranga ka rënë dhe Altin Isaraj, vëllai i Drejtorit të Përgjithshëm të Shërbimeve të Transportit Rrugor, Arben Isaraj.
47 vjeçari është arrestuar për “trafikim të armëve dhe municioneve” dhe shpërndarje të lëndëve narkotike”
“Më datë 20.10.2018, u arrestua në flagrancë shtetasi A.I. vjeç 47, banues në Tiranë, për veprat penale parashikuar nga nenet 283/1 e 278/1 të Kodit Penal” informoi shkurt policia e Tiranës.
Ndërkohë gazetari Basir Çollaku përmes një postimi në facebook se ky arrestim po mbahej i fshehur dhe ngriti disa pyetje.
Ai ka shkruar:
Isaraj, arrestim që mbahet fshehur?!?!
Ditë arrestimesh që njoftohen me bujë por ka dhe nga ato ndalim-arrestimet që mbahen pak fshehur nga Forca e Ligjit. A është arrestuar dje në Tiranë, Altin Isaraj (vëllai i Arben Isarajt) për armëmbajtje pa leje dhe 0.6 gram kokainë?!?!? A është dërguar për mase sigurie arrest me burg kërkesa e prokurorisë?!?! A e kanë mbajtur fshehur policia sepse ka qene ndërhyrje e madhe ?!
A ka ndërhyrje për ta kthyer në detyrim paraqitje me pretekstin se është i sëmurë??!?!
A ka pasur sukses ndërhyrja në prokurori ndonëse ajo kërkon arrest me burg?!?!
A ka pasur dhe ndalime të tjera të ngjashme këto dy muaj dhe është kërkuar detyrim paraqitje ?!?!
A ka gjykates ish-drejtues në drejtësi për të bërë ndër Isarajt??
Arben Isaraj ka mbajtur dhe postin e zv/ ministrit të Drejtësisë, nga tetori 2017 u emërua në postin e Drejtorit të Përgjithshëm të Shërbimeve të Transportit Rrugor.
