Policia e Tiranës arreston gazetarin Kastriot Myftaraj.
Njësia antiterror në komisariatin Nr.1 në kryeqytet ka shoqëruar mbrëmjen e djeshme gazetarin pas një shkrimi kundër ambasadores së BE-së në Tiranë Romana Vlahutin.
Në shkrimin e tij Myftaraj e akuzon ambasadoren e BE në Tiranë se punon kundër interesave të Shqipërisë si pjesë e tezës për Jugosllavinë e Re.
Myftaraj do qëndrojë në paraburgim deri në vendimin e gjykatës për masën e sigurisë ku do të vendoset nëse do të hetohet i lirë apo në burg.
Mësohet se gazetari është arrestuar për akuzën “Thirrje publike për veprime të dhunshme” të parashikuar nga neni 223 i kodit penal. Ky nen parashikon që ‘Thirrjet e bëra publikisht për të kryer vepra të dhunshme kundër rendit kushtetues, dënohen me gjobë ose me burgim deri në tre vjet.
https://www.facebook.com/kastriotmyftaraj1966/posts/1411824552209678
