Policia italiane ka arrestuar autoren e RAI TV, 41-vjeçaren Valentina Pizzale, e cila akuzohet se ka kërcënuar dhe shantazhuar ish-ambasadorin e BE në vendin tonë, Ettore Sequi.
Mediet italiane raportojnë se 41-vjeçarja i ka bërë ish-ambasadorit një telefonatë duke i thënë: “Do t’i tregoj të gjitha dhe do të të shkatërroj”. Ky është vetëm një ndër mesazhet dërguar politikanit Sequi, i cili është bërë pjesë e kabinetit të qeverisë italiane, prej muajit shtator.
Gjitahstu mediat italiane shkruajnë se në vitin 2017 Ettore Sequi dhe skenaristja kishin pasur një lidhje të shkurtër, por që ishte mbyllur shpejt. Ai kishte tentuar ta mbante larg vëmendjes publike tensionin që pasoi këtë mbyllje të raportit, por u detyrua të denonconte, pas kanosjeve të vazhdueshme që i bënte gruaja. Ajo donte që ai të vijonte raportin, gjë që Sequi nuk e donte më.
Raportohet se pas arrestimit skenaristja 41-vjeçare është lënë në arrest shtëpie.
