Arrestohet 27-vjeçari i dyshuar për vrasjen e një roje të një pike karburanti në orët e para të së dielës, në Qafë Gjashtë të Sarandës.
Policia sqaron se Arqile Koçi nga Qeparoja njihet si përdorues i lëndëve narkotike dhe ka dyshime që vrasja me çifte e punonjësit 44-vjeçar, Artan Hoxha të ketë ndodhur nën efektin e tyre.
27-vjeçari u arrestua në një hotel ku qëndronte së bashku me 33-vjeçarin Mihal Leka, i cili u arrestua për përkrahje të autorit të krimit.
Gjatë kontrollit ku qëndronte autori i dyshuar janë gjetur një pjesë të parave të vjedhura në pikën e karburantit si dhe një fishek çifteje në rrobat e autorit, ndërsa në banesën e Mihal Lekës policia ka gjetur armën e gjahut “Çiften”, motorin dhe skafandën, si dhe një pjesë të vogel me lëndë narkotike.
