Policia e Sarandës ka vënë në pranga një 22 vjeçar pasi dyshohet të jetë autori i zjarrvënies së qëllimshme të autobusit së linjës Konispol-Sarandë.
Mësohet se shtetasit me iniciale Sh.B., banues në Delvinë i janë sekuestruar 25 fishekë dhe një sasi me fara narkotike.
“Në vijim të punën intensive për zbardhjen e ngjarjes së ndodhur mesnatën e 10 Prillit në Konispol, për djegien me zjarr të autobuzit në pronësi të shtetases H.S, shërbimet e policisë bënë të mundur identifikimin, kapjen dhe arrestimin e shtetasit Sh.B., 22 vjeç, banues në Delvinë, i cili dyshohet të jetë autori në lidhje me djegien e qëllimshme të këtij mjeti”, sqaron policia.
