Policia e Lushnjes ka arrestuar një 44-vjeçar në Zhamë-Sektor të Lushnjes pasi dyshohet se ka tentuar të kryejë marrëdhënie seksuale me një të re.
Policia informon se B.H, ka hyrë në banesën e 20-vjeçares dhe tentoi të kryejë marrëdhënien seksuale me dhunë.
NJOFTIMI NGA POLICIA
Lushnjë
Specialistët për Hetimin e Krimeve në Komisariatin e Policisë Lushnjë, arrestuan shtetasin B. H., 44 vjeç, banues në fshatin Zhamë-Sektor, Lushnjë, pasi dyshohet se ka hyrë në banesën e një shtetaseje 20-vjeçare dhe ka tentuar të kryejë marrëdhënie seksuale me dhunë me të.
Materialet i kaluan Prokurorisë pranë Gjyjatës së Shkallës së Parë Lushnjë për veprën penale “Marrëdhënie seksuale me dhunë me të rritura” e mbetur në tentativë.
