Një 41-vjeçar me origjinë shqiptare në bashkëpunim me një Italian, kishte mbjellur 3200 bimë kanabisi në 20 sera, pranë një province në Napoli.
Lajmi u bë i ditur nga autoritetet italiane ku në deklaratën e tyre ata shpjegojnë se ambienti ishte përshtatur më së miri për të kultivuar lëndë narkotike.
Ata shprehen se përllogaritja e 3200 bimëve të hashashit ishte 900 mijë doza. Brenda serës, e cila ishte e ruajtuar nga qen roje, u gjendën panele diellore, gjeneratorë elektrikë dhe ventilator të cilat shërbenin për rritjen e kanabisit, sqaron policia italiane.
Gjithashtu, efektivët e policisë arritën të sekuestronin 17 kg kanabis, gati për shitje.
