Policia e Tropojës ka arrestuar një 38-vjeçar me iniciale G.D të cilit i janë bllokuar një arsenal me armë dhe municione. Në vijim të punës për goditjen e rasteve të armëmbajtjes pa leje, bazuar në informacionet e siguruara për një rast të armëbajtjes pa leje, në fshatin Bukovë, Policia e Tropojës ka organizuar punën dhe ka bëre kontrolle në banesën e shtetasit G. D.
Gjatë kontrollit të ushtruar në banesë, gjetën dhe sekuestruan në cilësinë e provës materiale një armë zjarri pushkë, një armë gjahu çifte dhe një sasi municioni luftarak, të cilat shtetasi G. D. i mbante pa leje.
Në vijim të veprimeve u arrestua në flagrancë për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe mbajtja pa leje e armëve të gjuetisë dhe sportive”, shtetasi G. D., 38 vjeç, banues në fshatin Bukovë, Tropojë.
Materialet hetimore i kaluan Prokurorisë pranë Gjykatës së Shkallës së Parë Tropojë, për veprime të mëtejshme.
