Dy persona janë arrestuar nga Policia e Lushnjes pasi akuzohen për dhunë në familje.
Në pranga ka rënë shtetasi M.K., pasi ushtronte dhunë fizike dhe psikologjike ndaj nuses së djalit me iniciale E.K.
Gjithashtu është vënë në pranga 72 vjeçari A.G., i cili ka goditur me sende të forta vëllain e tij, Sh.G, 67 vjeç për motive pronësie.
Ky i fundit ndodhet në Spitalin Lushnje nën kujdesin e mjekëve, por ende nuk dihet shumë për gjendjen e tij shëndetësore.
Lushnje/ Njoftimi i policisë:
Specialistët për Hetimin e Krimeve në Komisariatin e Policisë Lushnje arrestuan shtetasit:
- M.K, 62 vjeç, banues në Lushnje.
Arrestim i këtij shtetasi u bë pasi në mënyrë të përsëritur ka ushtruar dhunë fizike dhe psikologjike ndaj nuses së djalit të tij, shtetases E.K, 25 vjeçe.
- A.G, 72 vjeç, banues në Lushnje.
Arrestimi i këtij shtetasi u bë pasi për motive pronësie ka goditur me sende te forta vëllain e tij, shtetasin Sh.G, 67 vjeç i cili ndodhet në Spitalin Lushnje nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Dhunë në familje”.
