Pak ditë nga aksioni që paralajmëroi kryeministri Edi Rama janë arrestuar dy inspektorë të Agjencisë Kombëtare të Ushqimit.
Në pranga kanë rënë: Alfred Mahmuti, 45 vjeç, dhe Erlinda Dervishi, 31 vjeçe, të dy me detyrë inspektore terreni pranë AKU, dega Tiranë.
Arrestimi i tyre u bë pasi gjatë kontrolleve të ushtruara ditën e djeshme nga strukturat e Drejtorisë Vendore të Policisë Tiranë dhe Agjencisë Kombëtare të Ushqimit, në 2 subjekte (thertore) është konstatuar licencimi në kundërshtim me kriteret ligjore.
Policia e Tiranës në bashkëpunim me AKU-në, por edhe Agjenci të tjera ligjore po vijojnë kontrollet në mënyrë intesive për evidentimin dhe goditjen e paligjshmërisë, apo rastet e abuzimit dhe shpërdorimit të detyrës nga punonjës të këtyre strukturave.
