Policia franceze ka arrestuar 3 skifterat shqiptarë që kishin grabitur shtëpi të shumta në Francë të cilat kapin vlerën 80 mijë euro. Gjurmimi i tyre ka ardhur rastësisht teksa policia i ka parë tre personat e dyshimtë në një zonë të banuar në Saint-Maur-des-Fossés.
Grabitësit kishin organizuar punën duke ndarë detyrat ku shoferi priste në makinë ndërsa dy të tjerët thyenin shtëpitë për të realizuar vjedhjen. Forcat e policisë kanë pritur duke gjetur momentin për t’i arrestuar në flagrancë ku dy të dyshuarit kishin përdorur një kaçavidë për të hyrë në një nga banesat.
Grupi i hajdutëve është arrestuar në vendngjarje duke iu sekuestruar bizhuteritë dhe gjerat personale.Nga hetimet rezultoi se shqiptarët e pastrehë e kishin, vjedhjen e nëntë sipas mediave franceze.
Vjedhjet dhe grabitjet janë realizuar midis 11 marsit dhe 26 prillit në Paris dhe të tre shqiptarët i përkasin moshave nga 24 deri në 30 vjeç. Ata presin në paraburgim gjykimin i cili është caktuar në datën 9 qershor.
