Lëvizja Socialiste për Integrim ka reaguar ditën e sotme përms nënkryetarit të saj, Petrit Vasili lidhur me shoqërimet e një ditë më parë, të bërë nga policia të qytetarëve protestues.
Gjithashtu, Vasili kërkoi dorëheqjen e ministrit të Brendshëm dhe kreut të Policisë së Shtetit, si edhe kreut të Policisë së Tiranës.
Ndër të tjera, Vasili u shpreh dhe ka kërkuar nga Prokuroria që të vihet në lëvizje dhe të mos heshtë përballë dhunës që bëhet ndaj protestuesve.
Në deklaratën e plotë Vasili shprehet se, i mbështet protestuesit dhe sipas tij, e denoncon me ashpërsi sjelljen e Policisë së Shtetit kundrejtë qytetarëve.
“Të nderuar qyetarë dhe qytetare jemi sot para jush për të denoncuar me ashpërsinë më të madhe sjelljen prej gangsetërrësh të Policisë së Shtetit.
Sjellja shtazarake ndaj një të riu protestues në mes të Tiranës, i dhunuar nga një grup njerëzish pa uniformë me xhupa dhe kapuçë të zi dhe me pistoleta në brez është sjellje që nuk ka asnjë lidhje me ligjin por është sjellje naziskinësh. Përballë protestuesve që demonstrojnë për shkak të varfërisë dhe mjerimit të tyre dhe të çmimeve të rritura nga spekulantët e karburantit dhe të artikujve ushqimorë bazë është një sjellje prej armiqsh të qytetarëve dhe në shërbim të mafias shtetërore dhe oligarkëve.
Çdo shqiptar që shikon këtë video, ku policia sillet si kafshë me qytetarët skena të cilat po kaq të rënda kanë ndodhur dhe në Durrës, Lezhë, Shkodër, Korçë, Lusnje, Fier etj kanë indinjuar të madh dhe të vogël.”
Nga ana tjetër, Vasili kërkon dorëheqjen e menjëhershme të Ministrit të Brendshëm, Bledar Çuçi dhe Drejtorit të Përgjithshëm të Policisë së Shtetit, Gledi Nano.
“Kërkoj sot publikisht dorëheqjen e menjëhershme të Ministrit të Brendshëm, Bledar Çuçi kërkoj shkarimin e menjëhershëm të Drejtorit të Përgjithshëm të Policisë së Shtetit, Gledi Nano i cili është përgjegjësi kryesor për këtë sjellje kriminale të policisë anembanë vendit. Shkarkimin e drejtorave të policisë të Tiranës, Durrësit, Lezhës, Shkodrës, Korçës, Beratit, Fierit. Qytetarët shqiptarë nuk paguajnë nga gjaku dhe djersa e tyre taksat që të paguhen kriminelë pa uniformë që dhunojnë dhe shqyejnë qytetarët e varfër dhe të ndershëm por i paguajnë që të ndjekin krimin trafikantët dhe spekullatorët.
Çdo qëndrim i mëtejshëm i këtyre drejtuesve në këto pozicione pas konsumimit të veprave të rënda penale të dhunimit të lirive dhe të drejtave të qytetarëve si dhe dhunimit fizik dhe çnjerëzor të tyre vetëm sesa do rëndojë në mënyrë të pakthyeshme situatën dhe do të krijojë një armiqësi shumë të thellë mes policisë dhe qytetarëve.”
Së fundmi, i ka bërë thirrje prokurorisë, që sipas tij, të fillojë hetimin penal mbi drejtuesit e policisë të të gjitha niveleve si dhe dhunuesve të identifikuar bazuar në dëshmitë e shumta filmike, të bëra publike në media.
“I bëj thirrje prokurorisë, të fillojë hetimin penal mbi drejtuesit e policisë të të gjitha niveleve si dhe dhunuesve tashmë të identifikuar bazuar në dëshmitë e shumta filmike dhe me foto, të bëra publike në media apo dhe në rrjete sociale.
Policia e cila u bën thirrje banditëve të vet që t’i fshihen medias bën të kuptojë për çdo shqiptar seç bëjnë këta pa praninë e mediave.”
