Pas arrestimit të koordinatorit të zgjedhjeve për referendumin në Serbi, ka ardhur reagimi i par zyrtarë nga Policia e Kosovës. Sipas Policisë, kanë ardhur tri automjete (një veturë dhe dy kamion) me targa të Serbisë, në të cilat kanë qenë gjashtë persona dhe që gjatë kontrollit është vërejtur se kanë pasur të ngarkuar material për referendumit që do të mbahet nesër në Serbi.
Policia thotë se s’ka lejuar hyrjen e këtij materiali në territorin e Republikës së Kosovës, derisa personat që kanë qenë në këto automjete pas marrjes në pyetje janë kthyer në Serbi.
“Bazuar në informacionet zyrtare, detyrat dhe autorizimet policore, është ndaluar hyrja në RKS, e këtij materiali i cili po transportohej pa leje përkatëse. Në bashkëpunim dhe koordinim me organet e drejtësisë, dy mjetet transportuese (kamionët) janë dërguar tek autoritet kompetente doganore, ndërsa pas intervistimit personat me automjetin e tyre janë kthyer mbrapa në Serbi. Rasti do të vazhdojë të trajtohet në bashkëpunim me institucionet përkatëse dhe organet e drejtësisë”, thuhet tutje në komunikatë. Poilicia e Kosovës kanë thënë të premten se hapja e qendrave të votimit të Serbisë në Kosovë, përbën shkelje të kushtetutës dhe ligjeve të Kosovës.
