Arratisja e të paraburgosurit Altin Ndoci, e ndodhur më 13 janar 2026, ka sjellë pasoja të menjëhershme në strukturat drejtuese të sistemit penitenciar. Pas një analize të thelluar nga Drejtoria e Përgjithshme e Burgjeve, është vendosur shkarkimi i gjithë zinxhirit komandues në Institucionin e Ekzekutimit të Vendimeve Penale Durrës.
Vendimi është marrë me urdhër të Drejtorit të Përgjithshëm të Burgjeve, në kuadër të përgjegjësisë institucionale për shkeljet e rënda të konstatuara në zbatimin e procedurave të sigurisë dhe shoqërimit të të paraburgosurve.
Ndërkohë, Drejtori i IEVP Durrës është shkarkuar nga detyra me vendim të Ministrit të Drejtësisë, si masë direkte pas ngjarjes që ekspozoi dobësi serioze në menaxhimin dhe kontrollin e institucionit.
Arratisja e Altin Ndoci-t, e ndodhur gjatë një shoqërimi për vizitë mjekësore, ka ngritur pikëpyetje të forta mbi funksionimin e protokolleve të sigurisë, bashkërendimin institucional dhe përgjegjësinë e strukturave drejtuese në nivel lokal.
Hetimet administrative dhe penale vijojnë, ndërsa autoritetet kanë paralajmëruar masa të tjera ligjore dhe organizative për forcimin e sigurisë në institucionet e vuajtjes së dënimit dhe për parandalimin e rasteve të ngjashme në të ardhmen.
z. Indrit Cerloj – Drejtor i IEVP Durrës;
z. Afrim Zeqiraj – Shef i Policisë;
z. Dezdemon Pazaj – Shef i Policisë IEVP Durrës (i komanduar);
znj. Ylfete Sema – Shefe e Shërbimit të Kujdesit Shëndetësor;
z. Aulon Quku – Kryeinfermier;
z. Dorjan Saraçi – Punonjës i Policisë së Burgjeve;
z. Sali Ferrollari – Punonjës i Policisë së Burgjeve;
z. Preng Marvataj – Punonjës i Policisë së Burgjeve;
z. Fatjon Braçi – Punonjës i Policisë së Burgjeve;
z. Idajet Calamaj – Punonjës i Policisë së Burgjeve;
z. Aranit Çela – Punonjës i Policisë së Burgjeve;
znj. Violeta Uka – Punonjëse e Policisë së Burgjeve.
Referuar ngjarjes dhe veprimeve të ndërmarra Drejtoria e Përgjithshme e Burgjeve në bashkëpunim me Shërbimit të Kontrollit të Brendshëm në Sistemin e Burgjeve, nën drejtimin Prokurorisë pranë Gjykatës së Shkallës së Parë të Juridiksionit të Përgjithshëm Durrës, është vendosur ndalimi i shtetasve të mëposhtëm:
Komisar Dezdemon Pazaj – Punonjës i Policisë së Burgjeve;
Komisar Violeta Uka – Punonjëse e Policisë së Burgjeve;
Kryeinspektor Dorjan Saraçi – Punonjës i Policisë së Burgjeve;
Inspektor Sali Ferrollari – Punonjës i Policisë së Burgjeve;
Inspektor Fatjon Braçi – Punonjës i Policisë së Burgjeve;
Inspektor Preng Marvataj – Punonjës i Policisë së Burgjeve;
Kryeinspektor Aranit Çela – Punonjës i Policisë së Burgjeve;
Kryeinfermier Aulon Quku – Punonjës i IEVP Durrës.
