Blogeria Armina Mevlani e ka zënë viti i ri të infektuar me Covid-19 për herë të parë dhe këtë detaj e bëri publik në Instagram ku ka treguar edhe detajet e këtyre ditëve.
Përmes statusesve në Instagram, ajo u ka dhënë këshilla ndjekësve se si duhet ta kalojnë këtë periudhë dhe se çfarë po bën ajo specifikisht. Më tej tregoi që për të ndihmuar trupin të marrë veten dhe për te qetësuar dhimbjet e kockave po bën banjë me kripëra minerale që relaksojnë muskujt.
“Unë nuk e kisha kaluar ndonjëherë Covid-in në gjithë këtë pandemi, pavarësisht se jam takuar me njerëz pozitivë, me familjarë, kam udhëtuar shumë, por çuditërisht e mora tani. Simptomat e mia kanë qenë, ditën e parë kisha shumë temperaturë 39, gjatë natës 38 e gjatë ditës 37. Dhimbjet e trupit më bezdisin më shumë. Me energjinë nuk jam keq. Kjo është situata dita e 6, po pi shumë vitamina, aspirinë. Nuk ja kam ngjitur askujt”,- tha ajo.
