Gazetari Flamur Vezaj tha se emërimi i ish-drejtorit të Policisë së Shtetit, Ardi Veliu si zv.ministër i Infrastrukturës është një vendim propagandistik.
“Unë s’e kuptoj se çfarë lidhje ka një person i specializuar në policinë e shtetit me infrastrukturën”, tha ai në emisionin Politiko në Top News.
Por, eksperti i kriminalistikës, Ervin Karamuça tha se Ardi Veliu ka katër diploma. “Ka akademinë ushtarake, atë të policisë, ka diplomë në juridik dhe në ekonomik. Prandaj, mjafton të ketë vullnet politik se me këtë CV ai mund të japë kontribut kudo në ekzekutiv”, deklaroi ai.
Megjithatë, gazetarët Flamur Vezaj dhe Poli Hoxha hodhën dyshimet mbi mënyrën e marrjes së këtyre diplomave nga ana e Ardi Veliut.
“Të gjithë e dimë se si merren diplomat në Shqipëri nëse ke lidhje me pushtetin, apo je njeri me pushtet”, thanë ata.
