Një gjykatë në Arabinë Saudite ka dënuar një person me 10 vjet burg dhe 2 mijë rrahje me kamxhik, për shprehjen e ateizmit të tij në qindra postime në rrjetin Twitter.
E përditshmja Al-Watan shkruan se policia religjioze, që monitoron rrjetet sociale, ka gjetur se në më se 600 postime në Twitter, thuhej se Zoti nuk ekziston dhe bëhej ironi me mësimet e Kuranit.
Në raport theksohet se personi 28 vjeçar ka pranuar se është ateist dhe ka refuzuar të pendohet, duke thënë se ato që i ka shkruar reflektojnë besimin e tij dhe se ai ka të drejtë t’i paraqesë ndjenjat e veta.
Në raport nuk jepet emri i personit të dënuar.
Gjykata po ashtu, e ka dënuar atë me 20 mijë rijalë (5,300 dollarë amerikanë).
