Ministrja e Infrastrukturës dhe Energjisë ka anuluar tenderin për projektimin dhe ndërtimin e rrugës Milot-Fier, ndërsa është botuar edhe në faqen e Agjencisë së Prokurimeve Publike.
Projekti me vlerë 1.18 miliard dollar është anuluar me arsyetimin se oferta e paraqitur nuk përputhet me kriteret e përcaktuara në dokumentacionin e tenderit.
Rruga është parashikuar të jetë 115 kilometra, autostradë e kategorisë A dhe sipas projektit duhej të ndërtohej nga privatët në formën e një koncensioni.
Kujtojmë se gara për këtë rrugë u hap në 1 korrik përmes një ceremonie, ku ishin të pranishëm krerët e shtetit.
