Anulohet ceremonia e ndarjes së çmimeve Nobel për shkak të situatës së krijuar prej Covid 19.
Lajmin e ka bërë me dije Fondacioni Nobel, që administron ndarjen e çmimeve prestigjioze, ku thekson se ceremonia tradicionale, që mbahet çdo vit në muajin dhjetor, në Sallën e qytetit të Stokholmit, është anuluar.
Lars Heikensten, drejtori i përgjithshëm i Fondacionit Nobel, tha se për shkak të masave të kufizimeve, nuk është e mundur të mblidhen deri në 1.300 persona, kësisoj është e pasigurt nëse fituesit e çmimeve do të mund të udhëtojnë në Suedi, raporton AP.
“Ky është një vit shumë i veçantë kur të gjithë duhet të bëjnë sakrifica dhe t’u përshtaten rrethanave plotësisht të reja, por ne do t’u kushtojmë vëmendje të ndryshme fituesve të çmimeve, zbulimeve dhe veprave të tyre”, tha Heikensten në një deklaratë.
