Andi Mustafaj, i biri i ish-themeluesit të Partisë Demokratike shqiptare, Besnik Mustafaj ka reaguar në lidhje me hapjen e negociatave për Shqipërinë drejt Bashkimit Europian.
Nëpërmjet një postimi në rrjete sociale, Mustafaj shkruan se burimet bëjne me dije se Franca kërkon të bllokojë hapjen e negociatave për Shqipërinë për arsye të brendshme.
“Si mund t’i shpjegojmë opinionit francez se po hapim negociatat me shtetin që prej pese vitesh renditet i pari ose i dyti për kërkesat e azilit në Francë? Si mund të dalim dhe të themi publikisht që Shqipëria respekton mjaftueshëm shtetin e së drejtës dhe demokracinë ndërkohë që çdo vit ata janë më shumë se Sirianët apo Afganët që kërkojnë azil duke denoncuar gjendjen në të cilën gjendet Shteti i tyre? Është një pozicion tejet i vështirë për t’u mbajtur për ne”, shkruan Mustafaj.
Postimi i plotë:
Nga burime të besueshme pranë përfaqësuesve të qeverisë franceze mund t’ju them se është e vërtetë që Franca kërkon të bllokojë hapjen e negociatave për Shqipërinë për arsye të brendshme. Ja çme thonin dje:
“Si mund t’i shpjegojmë opinionit francez se po hapim negociatat me shtetin që prej pese vitesh renditet i pari ose i dyti për kërkesat e azilit në Francë? Si mund të dalim dhe të themi publikisht që Shqipëria respekton mjaftueshëm shtetin e së drejtës dhe demokracinë ndërkohë që çdo vit ata janë më shumë se Sirianët apo Afganët që kërkojnë azil duke denoncuar gjendjen në të cilën gjendet Shteti i tyre? Është një pozicion tejet i vështirë për t’u mbajtur për ne”.
Une nuk e di nëse Franca do vazhdojë të mbajë këtë pozicion deri në fund sepse negociatat në nivelin e Bashkimit Europian kërkojnë kompromise të ndryshme por di të them që Kryeministri Edi Rama tallet kur thotë vetëm një pjesë të së vërtetës.
Është e vërtet se nëse nuk hapen negociatat do të jetë për shkak të problemeve të brendshme të shteteve të Bashkimit Europian por këto probleme të brendshme lidhen direkte me situatën aktuale të Shqipërisë dhe keq-qeverisjen që e prek në mënyrë të vazhdueshme.
Çdo zë që di të kuptojë dhe të lexojë duhet ta deklaroj hapur këtë gjë. Si qytetar shqiptar jam i lodhur duke parë Ramën gjithandej, në çdo ekran, në çdo radio e në çdo rrjet social të mashtroj pa fund një shoqëri të mekur nga mungesa e kundër-informacionit.
