Disa ditë më parë, në qytetin e Vlorës, konkretisht në plazhin e vjetër, u konstatuan shpendë të ngordhura. Pas ngritjes së alarmit për shpendët e ngordhura, disa grupe specialistësh veterinerë nga autoritetet shëndetësore shkuan në zonën e Plazhi të Vjetër, në grykëderdhjen e Vjosës dhe në Lagunën e Nartës.
Ata mblodhën shpendët e ngordhura dhe morën mostra për të analizuar shkakun e ngordhjes së tyre.
Përgjigjet e analizave kanë rezultuar pozitive për gripin e shpendëve.
Burime bëjnë me dije se është gjetur grip i shpendëve tek shpendët e ujit ose të egra, por deri tani nuk ka rezultuar të kenë patur kontakt me shpendët shtëpiake të cilat rrezikohen, nëse preken nga ky virus.
Ky është një virus qe gjendet te shpendët e egra, por që rrezikon shpendët shtëpiake, dhe pas këtyre virusi mund të transmetohet dhe tek njerëzit.
